Ndeshja mes Partizanit të Beogradit dhe Skënderbeut është shumë pranë. Deri më tani nuk ka pasur ndonjë incident. Nga ana tjetër mediat serbe kanë spekuluar se në stadium do të fluturonte një tjetër dron, pasi sipas tyre policia kishte ndaluar 3 shtetas nga Presheva të cilit udhëtonin drejt Serbisë për të parë ndeshjen.
Kurir apo Alo shkruajnë gjithashtu se policia ushtroi kontroll në mjetin me të cilin po udhëtonin duke u gjetur një dron të cilin e kishin fshehur në hapësirën e gomës rezervë të makinës së tyre duke mos i lejuar ata që të hyjnë në vend.
Ky informacion rezultoi të ishte i rrem dhe këtë e ka mohuar Ministria e Mbrojtes së këtij vendi, duke i nxjerrë bllok këto media.
Ndërkaq, në median serbe flitet edhe për ardhjen në Beograd të 2000 tifozëve shqiptarë për këtë ndeshje, pavarësisht marrëveshjes së arritur mes klubeve në lidhje me këtë çështje.
Bëhet fjalë për praninë e shtetasve shqiptarë që jetojnë ne pjesën jugore të Serbisë në qyteti si Preshevë, Bujanoc, Medvegjë, Nish dhe Vranje.
