Pas atentatit të dështuar ndaj Bledar Muçës, dy ditë më parë në qytetin e Elbasanit, të tjera të shtëna kanë ndodhur sot, rreth orës 20:00.
Të shtënat kanë ndodhur pranë njërit prej bizneseve të fisit Çapja, hotel “Universi”.
Pronari i kompleksit gjigand “Univers”, Sokol Çapja, u vra në një atentat të tipit mafioz, ndërsa rrinte në shoqërinë e dy vajzave më 26 dhjetor 2005. Priten detaje të tjera për lidhjen që ka ngjarja e sotme me historinë e fisit Çapja.
Sipas burimeve paraprake dyshohet se sot është qëlluar me breshëri kallashnikovi ndaj një personi.
Policia ka shkuar në vendngjarje dhe po heton, sakaq mësohet se janë nisur edhe forcat e FNSH-së dhe RENEA-s.
