Një incident ka ndodhur ditën e sotme në segmentin rrugor Kinostudio-Fresk.
Policia bën me dije se nga një shtyllë tensioni është shkëputur një teli i energjisë elektrike dhe si pasojë e shkarkesës elektrike ka çarë gomat e një betoniereje, e cila ka qenë duke punuar.
Sipas uniformave blu, nuk ka pasur lëndime në njerëz, por vetëm dëme materiale.
“Më datë 14.06.2023, rreth orës 11:00, në segmentin rrugor Kinostudio-Fresk, nga një shtyllë tensioni është shkëputur një tel i energjisë elektrike dhe si pasojë e shkarkesës elektrike ka çarë gomat e një betoniereje, e cila ka qenë duke punuar”, njofton policia.
Grupi hetimor dhe policia ndodhen në vendngjarje dhe po punojnë për sqarimin e rrethanave të ngjarjes.
