Dy drejtues mjetesh janë arrestuar nga policia pasi dyshohen si autorët që shkaktuan aksidentin me pasojë vdekjen e vajzës 25-vjeçare të hënën në zonën e Institutit.
Në pranga kanë rënë shoferët E.B. 42 vjeç dhe M.A. 54 vjeç. Nga përplasja mes dy mjeteve, njëra prej makinave goditi dy këmbësorë, vajzën 25-vjeçare A.A. dhe 58-vjeçarin S.R.
Të dy kanë qenë duke ecur në rrugë. 25-vjeçarja humbi jetën si pasojë e përplasjes së fortë, ndërsa 58-vjeçari ka mbetur i plagosur dhe ndodhet në spital.
“Specialistët e Qarkullimit Rrugor bënë arrestimin në flagrancë të shtetasve :
E.B, 42 vjeç dhe M. A., 54 vjeç, pasi ditën e djeshme kanë aksidentuar këmbësoret shtetasen A. A., 25 vjeçe dhe shtetasin S. R., 58 vjeç. Si pasojë e aksidentit ka humbur jetën në spital shtetasja A. A., 25 vjeçe, ndërsa shtetasi S. R., 58 vjeç, ndodhet në spital, nën kujdesin e mjekëve”, thuhet në njoftimin e policisë.
