Një automjet është djegur plotësisht ndërsa ishte në lëvizje. Ngjarja ndodhi mëngjesin e sotëm, rreth orës 10:10, në Sauk, tek rreth-rrotullimi. Një automjet me targë AA 542 SN, me drejtues personin me inicialet F. P., ka marrë flakë gjatë lëvizjes, ku për pasojë mjeti është djegur plotësisht.
Shoferi nuk ka pësuar lëndime pasi ka mundur të dalë në kohë nga automjeti. Policia thotë se grupi hetimor në vendngjarje po punon për sqarimin e plotë të shkaqeve të rënies së zjarri. Por paraprakisht dyshohet që ngjarja të jetë aksidentale, dhe flakët të jenë shkaktuar nga ndonjë shkëndijë elektrike.
