Policia e Tiranës ka arrestuar një 43-vjeçar i cili kërcënoi me armë zjarri qiradhënësen e lokalit.
Policia njofton se, ngjarja ka ndodhur për motive të dobëta, ndërsa i arrestuari rezulton se është person me precedent penal të mëparshëm. 43-vjeçari ka qenë i dënuar për akuzat “Mashtrimi” dhe “Vjedhja e energjisë elektrike ose impulseve telefonike”.
Ndërkohë, grupi hetimor ka sekuestruar në cilësinë e provës materiale armën e zjarrit pistoletë, e cila është dërguar në laboratorin kriminalistik, për ekzaminime të mëtejshme.
Tashmë mbi 43-vjeçarin rëndojnë akuzat “Kanosja” dhe “Armëmbajtja pa leje”, për të cilën parashikohet dënimi deri në 7 vjet burgim./ Opinion.al
