Në Tiranë është mbyllur numërimi në KZAZ nr 33 e ngritur në shkollën “Hasan Prishtina” ku ka triumfuar sërish PS-ja. Kjo KZAZ numëroi votat e banorëve tek Brryli dhe Rruga Bardhyl.
Aktualisht po numërohet në KZAZ 35 tek shkolla Vasil Shanto. Aty numërohen 20 kutitë e fundit që i përkasin zonës së Bllokut dhe Tiranës së Re. Pritshmëritë më të larta këtu janë për PS-në e cila deri tani është në epërsi të dukshme.
Po kështu po numërohen edhe votat e KZAZ nr 39 tek Muzeu që mbulon njësinë nr.9 zonën e stacionit të Trenit, Bulevardit Zogu 1, etj. Edhe aty janë rreth 20 kuti për tu numëruar.
Me projeksionit e deritanishëm, PS ka 18 deputetë në Tiranë, PD 11 dhe 5 LSI. Tani në garë është Shpëtim Idrizi që nëse kap 3% i heq një mandat PS-në.
Por, burime nga këto dy KZAZ thonë se shanset janë të pakta për Idrizin, pasi kutitë që hapen mund të thellojnë rezultatin e PS-së.
Gjithsesi i gjithë procesi i numërimit mbyllet sonte në Tiranë. /Opinion.al
