Një kompani e shpërndarjes së karburantit ka rënë pre e një grabitje, në orët e para të mëngjesit të sotëm. Dyshohet se dy persona kanë grabitur kasafortën e kësaj kompanie.
Ngjarja mësohet se ka ndodhur rreth orës 03:00 të mëngjesit të së hënës në periferi të Tiranës, në kufi me Fushë- Krujën, në zonën e Fushë-Prezës.
Në kasafortë dyshohet se ndodheshin një shumë e konsiderueshme parash të firmës së gazit. Paraprakisht bëhet me dije se mund të jenë grabitur 6 milionë lekë , por kjo mbetet për t’u konfirmuar pas verifikimeve të plota që do të bëjë grupi hetimor.
Dy autorët e dyshuar të cilët janë shpallur në kërkim nga policia, lëviznin me një makinë tip Benz./tvklan.al
