Dashamir Xhika del sërish në gjykatë sot për masë sigurie, pasi u la në arrest me burg tre ditë më parë nga gjykata e Elbasanit. Tek Krimet e Rënda bashkë me të, për masë sigurie, do të dalin edhe dy ish-vartësit, Aksel Qurduka dhe Albens Alite. Seanca për caktimin e masës së sigurisë pritet të zhvillohet në orën 10:00.
Të tre ish-zyrtarët e Ministrisë së Transporteve dyshohen për korrupsion dhe shpërdorim detyre me fondet dhe projektet për rrugën Tiranë-Elbasan, me një dëm që prokuroria e përllogarit në 80 milionë euro. Ndërsa të shtunën e javës që kaloi ai u la në arrest me burg edhe nga Gjykata e Elbasanit për shkelje lidhur me projektin e rrugës Elbasa-Gjinar, duke llogaritur një dëm prej 5.3 mld lekë.
Pra ndaj tij ka dy çështje një në Elbasan dhe një tek Krimet e Rënda. Tek kjo e fundit, hetimet për shkelje në ndërtimin e autostradës Tiranë-Elbasan,i udhëheq prokurorja Elisabeta Imeraj. Ndërkohë që po verifikohet dhe pozicioni i ish-ministrit Edmond Haxhinasto. /Opinion.al
