Një ngjarje e rëndë ka ndodhur në kryeqytet, ku dyshohet se një efektiv policie ka qëlluar veten me armën e shërbimit.
Sipas uniformave blu, bëhet me dije se ngjarja ka ndodhur në rrugën “Babë Rexha” në Tiranë.
Mësohet se aktualisht efektivi ndodhet në gjendje të rëndë në spital.
“Më datë 14.12.2023, në rrugën “Babë Rexha”, shtetasi 50 vjeç, (punonjës Policie), në banesën e tij, dyshohet se është vetëplagosur me armën e shërbimit.
50-vjeçari ndodhet në Spitalin e Traumës ku po merr ndihmën mjekësore”, njofton policia.
Grupi hetimor në bashkëpunim me Prokurorinë po punon për sqarimin e rrethanave të ngjarjes./Opinion.al
