Një ngjarje e rëndë ka ndodhur mbrëmjen e kësaj të shtune në Tiranë, ku një 60-vjeçar ka tentuar të djegë veten me lëndë djegëse.
Ngjarja ka ndodhur në afërsi të një karburanti, te Pallati me Shigjeta.
Shërbimet e Policisë kanë ndërhyrë në menyrë të menjëhershme duke neutralizuar përhapjen e zjarrit në trup.
Si pasojë, ai ka pësuar djegie në fytyrë dhe është transportuar me ambulancë për ndihmë mjekësore
Tiranë/Informacion paraprak
Më datë 08.02.2025, rreth orës 19:05, tek Pallati me Shigjeta, në afërsi të një karburanti ka tentuar të dëmtojë veten dyshohet me lëndë djegëse shtetasi I. Q., rreth 60 vjeç.
Shërbimet e Policisë kanë ndërhyrë në menyrë të menjëhershme duke neutralizuar përhapjen e zjarrit në trup.
Shtetasi I. Q u transportua me ambulancë për ndihmë mjekësore, pasi ka pësuar djegie në fytyrë.
Grupi hetimor po punon për sqarimin e rrethanave të rastit.
