Një 22-vjeçar ka rënë aksidentalisht nga kati i 3-të i një pallati. Policia bën me dije se ngjarja ka ndodhur në rrugën “Muhamet Deliu”, në Tiranë.
Si pasojë e ngjarjes i riu me inicialet F. D., është dëmtuar dhe ndodhet në spital, nën kujdesin e mjekëve.
“Më datë 13.07.2023, në rrugën “Muhamet Deliu”, dyshohet se aksidentalisht ka rënë nga kati i 3-të i pallatit shtetasi F. D., 22 vjeç.
Si pasojë është dëmtuar dhe ndodhet në spital, nën kujdesin e mjekëve”-njofton policia.
Grupi hetimor po punon për sqarimin e rrethanave të ngjarjes.
