Nuk ka fitues në ‘Selman Stermasi”. Tirana dhe Partizani janë ndarë në barazim 0-0 ndeshje e luajtur për javën e 15-të të Kategorisë Superiore. Një ndeshje që nuk ka prodhuar spektakël, ndryshe nga sa pritej. Bardheblutë kanë qenë disi më kërkues në këtë takim, por në fund nuk ia kanë dalë dot të marrin 3 pikët.
Partizani vazhdon të mos humbasë dhe mbetet në krye me 39 pikë 3 më shumë se ndjekësit e Skënderbeut. nga ana tjetër bardheblutë mbeten në vendin e pestë me 22 pikë.
Ndeshja Mes një atmosfere elekrizuese të krijuar nga dy tifozeritë, ndeshja mes Tiranës dhe Partizanit nis vrullshëm. Të dyjka ekipet mundohen të marrin që ne fillim frenat e lojës në dorëzim. Tirana duket më agresive ndërkohë që Partizani mbrohet mirë.
Nga kujdesi i madh që tregojnë të dy ekipet për të mos pësuar, mungojnë rastet. Fukui ka qenë pranë golit në minutat 24 dhe 42 ku ka goditur me kokë, por ka reaguar mjaft mirë Alban Hoxha. 45 minutat e para mbyllen në barazim 0-0.
Edhe në pjesën e dytë ka qenë e njëjta melodi, por me një epërsi të lehtë të tiranës. Bardheblutë kanë pasur mundësitë e tyre me Bakajn dhe Fukuin, por nuk kanë arritur t’i konkretizojnë. Partizani dukej i kënaqur edhe me një pikë duke ia arritur qëllimit. Në fund mbyllet gjithçka 0-0 dhe skuadrat ndajnë nga një pikë.
