Çfarë kanë të përbashkët “Old Town” në Jaipur, kantieret detare në Buenos Aires dhe kryeqyteti i Shqipërisë? Janë ndër vendet që kanë më shumë ngjyra në fasadat e tyre. Mamondo, një kompani udhëtimi daneze, që së fundmi është blerë nga kompania Skygate (anglo-amerikane) i ka referuar një artikull interesante Tiranës.
Ajo e rendit mes tetë qyteteve me ngjyra më të gjalla në botë për nga fasadat e ndërtesave. Tirana, renditet e treta mes qytetit Santa Maria në Brazil dhe Stambollit në Turqi. “ Një qytet me ngjyra është më shumë sesa disa penelata me bojë. Shpesh ndërtesat me ngjyra të gjalla janë zemra e një qyteti, janë lagje me histori. Për t’i parë nga afër mund të zgjidhni të vizotoni një prej këtyre tetë destinacioneve që ne kemi zgjedhur”, shkruan Mamondo.
Bo-Kaap – Cape Town, South Africa
Është një nga qytetet me diversitet më të madh etnik që gjendet nëjug të Ekuadorit, në Cape Town. Në të do të gjeni një përzierje ngjyrash, traditash dhe arkitekturash.
Santa Marta – Rio de Janeiro, Brazil
Mund të duket një ekzagjerim nëse themi se getot e Rio de Janeiro në Brazil me ngjyrat dhe kaosin që i karakterizon kanë një reputacion prej fituesi. Dyshja e artistëve Haas & Hahn janë përpjekur të realizojnë një transformim të vërtetë me projektin e tyre të guximshëm të quajur “Favela Painting”.
Tiranë, Shqipëri
Çfarë do të bënit nëse do të ishit kryebashkiaku i një qyteti të mbushur plot me ndërtesa ngjyrë gri dhe me arkitekturë të epokës komuniste? Epo, një zgjidhje mund të ishte ta bënit qytetin me të gjallë me anë të ngjyrave.
E në fakt kjo ishte ajo çka bëri Edi Rama në vitin 2000, kohë në të cilën ishte kryetar i Bashkisë së Tiranës, si pjesë e projektit “Pastro dhe Gjelbëro”. Ai tani është kryeministër.
Ka shumë ndërtesa që janë të lyera me ato që në vend njihen si “ngjyrat e Edi Ramës”
(rozë e hapur, e verdhë, e gjelbër, violë).
Tirana ka qenë një destinacion që ne e kemi listuar edhe për sezonin e verës. Rastësi? Ne mendojmë që jo.
/revista Monitor
