Ankesa që TikTok paraqiti në Gjykatën e Apelit për të shmangur bllokimin e aplikacionit në Shtetet e Bashkuara nuk pati sukses.
Një gjykatë apeli në SHBA e mbështeti ligjin në një vendim ditën e sotme.
Duke mohuar argumentin e TikTok se ligji ishte antikushtetues, gjyqtarët zbuluan se ligji nuk “bie ndesh me Amendamentin e Parë të Kushtetutës së Shteteve të Bashkuara” dhe as “shkel garancinë e Amendamentit të Pestë për mbrojtjen e barabartë të ligjeve”.
Vendimi, të cilin TikTok pritet që ta apelojë do të thotë se kjo platformë është një hap më afër përballjes me një ndalim nga SHBA.
Ndërkohë, në muajin Prill, Joe Biden nënshkroi një projektligj ku kërkonte që platforma t’i shitet një pronari të ri jo-kinez ose të ndalohet në Shtetet e Bashkuara, pas viteve të shqetësimit në Capitol Hill se kompania mëmë kineze “ByteDance” përbën një rrezik për sigurinë kombëtare.
Pas afatit , dyqanet e aplikacioneve në SHBA dhe shërbimet e internetit mund të përballen me gjoba të mëdha për pritjen e TikTok nëse nuk shitet.
TikTok paditi për të bllokuar ligjin në maj, duke argumentuar se ai cenonte lirinë e fjalës së më shumë se 170 milionë përdoruesve të tij amerikanë dhe në mënyrë të padrejtë veçoi platformën.
Në një seancë dëgjimore në Shtator, avokatët e qeverisë amerikane argumentuan se algoritmi i TikTok kontrollohet nga kompania e saj mëmë kineze dhe mund të përdoret për të ndikuar tek përdoruesit amerikanë./Opinion.al
