Ndeshja e nesërme mes Shqipërisë dhe Spanjës është sot në qendër të vëmendjes së mediave dhe portaleve. Pjesë e kësaj vëmendjeje është bërë edhe Kryeministri Rama, ndonëse ndryshe nga zakonisht këtë herë pa dëshirën e tij.
Në komentet e një statusi që Rama ka postuar në FB, ndjekësit i kanë kërkuar Ramës të mos shkojë në stadium ndeshjen e nesërme kundër Spanjës, “se do e hamë si Kosova”, shprehet komentuesi.
Rama nuk e ka lënë me kaq, por ka gjetur kohë të përgjigjet, ndonëse me shaka, por i vënë në siklet nga sa duket. Të tjerë komentues e kanë cilësuar ters Kryeministrin, ndërsa fantazia e një tjetri ka shkuar deri aty sa i ka propozuar Ramës të bëjë ndonjë pazar me spanjollët.
