Një postim i intervistës së zv/ministres së Financave dhe Ekonomisë, Albana Shkurta nga kryeministri Edi Rama në profilin personal në rrjetin social Facebook, nuk është pritur mirë nga komentuesit.
Shkurta foli në ERTV, mbi prioritetin strategjik të mandatit të dytë, investimet e huaja dhe përmirësimin e mëtejshëm të klimës së biznesit për më shumë zhvillim ekonomik, punësim dhe mirëqenie.
Por siç duket, komentuesit nuk janë pajtuar me një mesazh të tillë, ku dhe kanë lëshuar akuza të ndryshme.
Një komentues i shkruan se po ia bën mirë këtij populli, ndërsa një tjetër e akuzon për shitjen e detit, një tjetër po i lë pa bukë familjet në nevojë, duke u hequr ndihmën ekonomike.
Mirëpo, kryeministri Edi Rama ka gjetur kohën për t’iu përgjigjur secilit.
