Dy persona janë arrestuar nga Policia në Elbasan. Konkretisht, policia ka bërë të mundur arrestimin e 28-vjeçarit me iniciale B.K. dhe 35-vjeçarit me iniciale E.S..
Të arrestuarit dyshohet se më 15 Tetor të këtij viti në lagjen “5 Maji”, kanë vjedhur:
-1 motor, të cilin më pas e ka fshehur 35-vjeçari E.S.;
-një karrocë për fëmijë në një automjet, pasi kanë thyer xhamin e automjetit.
Moti dhe karroca u gjetën dhe u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprën penale “Vjedhja”, kryer në bashkëpunim.
