Sandro Tromboni, një dembel 42 vjeçar, që ishte i dhënë pas udhëtimeve dhe të dashurave nga Europa Lindore, e urrente vëllain e tij Luka, i cili donte ta hiqte qafe nga drejtimi i kompanisë prodhuese e cila ishte themeluar nga i ati Romano në vitet ’70.
20 marsin e kaluar ishte në program asambleja e ortakëve, për të dekretuar përfundimisht daljen e Sandros nga Tromboni Srl. me seli në zonën rezidenciale të Rozzanos, në kryqëzimin e rrugës Brenta dhe Olona.
Por ky takim midis ortakësh nuk u zhvillua kurrë.
Vetëm një ditë më parë midis orës 19.25-20.15, Sandro Tromboni u arrestua nga policia e Milanos, falë një “ hetimi të stilit të vjetër” pasi dyshohet se ka vrarë me tre plumba, vëllain e tij Luca 50 vjeç.
E gjithë ngjarja zhvillohet në fabrikën ku dy vëllezërit ishin ortak.
Më 20 mars 2015, Angiolina, mamaja e dy vëllezërve Luca dhe Sandro Tromboni, zbuloi kufomën e të birit Luca në orën 5.30 të mëngjesit.
Fillimisht ajo thirri djalin Sandro.
Vrasësi qau mbi trupin e të vëllait, të cilin e kishte qëlluar në bërryl, bark dhe përballë, dhe të cilit i kishte vjedhur çantën e shpinës, duke i lënë PC dhe portofolin me 1330 euro.
Në çantën e shpinës ishin korespondenca midis Sandros dhe Lucas, me kërcënimet dhe presionet e të parit, dhe ishte edhe një pen drive që përmbante dossierin e përpiluar të një hetuesi privat, të përfshirë nga Luca, për zakonet e vrasësit, i cili bënte gjithçka përveçse nuk punonte.
Sipas raportit të hetuesit privat Sandro shpenzonte para të shumta të cilat i përfitonte nga drejtimi në krye të Tromboni srl, dhe nuk merrej me Shoqërinë, tregun, klientët dhe planet për të ardhmen.
Por më shumë ishte i kushtuar ndaj të dashurave të tij të shumta.
Midis të cilave edhe Anila B. shqiptare.
Bashkëbisedimi me të në 22 mars që do të çonte edhe në zbulimin e vëllait vrasës.
Ende pa u ekzaminuar kufoma e Lucas nga autopsia (bëhet fjalë për 25 marsin) ku në vendin e krimit mjeku ligjor “kishte” parë nga ekzaminimi fillestar vetëm dy vrima të ngjashme zjarri, Sandro i kishte thënë Anilës 29 vjeçare, specifikisht se vëllai ishte vrarë nga tre plumba./ Opinion.al Dritan Laci
