Kryetari i PD, Sali Berisha u bën thirrje qytetarëve që të bashkohen në protestën e pasdites së sotme në orën 16:00.
Berisha ka postuar në rrjetet sociale një video të aktorit Neritan Liçaj, i cili vazhdimisht ka treguar mbështetjen e tij për PD.
Krahas videos, Berisha shkruan “E shtunë, 12 nëntor, ora 16:00, protesto t’i dalim zot bashkë”.
Autoritetet kanë dhënë dy orë leje për zhvillimin e protestës, ndërsa në kuadër të masave në orën 15:00 do të bllokohen disa rrugë në Tiranë.
Konkretisht janë Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.
