I riu Jurgen Kurti, 23 vjeç, i cili qëlloi për vdekje babain e tij, Artur Kurti, 50 vjeç, duket se bënte një jetë luksoze.
Kjo duket nga fotot e postuara në rrjetin social “Facebook”, ku ai ka qenë frekuentues i rregullt i vendeve turistike si Dubai apo Miami, të cilësuara si më të shtrenjtat në botë.
Një tjetër detaj i luksit të Jurgen Kurtit janë dhe automjetet me të cilat ai lëvizte.
Makinat e tij janë nga më të shtrenjtat në qarkullim si “Bentley” apo “Ferrari”.
Ende nuk dihet aktiviteti i tij dhe as burimi financiar i këtij luksi të pa fre.
Megjithatë ai sonte kreu aktin më të rëndë dhe njëherazi më të shëmtuar, duke vrarë babain e tij.
