Një gjykatë në Southwark Crown Court në Britani ka dënuar ditën e sotme, themeluesin e kompanisë WikiLeaks, Julian Assange me thuajse një vit burgim (50 javë), për shkelje të Aktit për Lirim me Kusht, pas arrestimit që i është bërë në Ambasadën e Ekuadorit në Londër.
Assange ka qëndruar si refugjat në këtë ambasadë nga viti 2012, për të shpëtuar nga ekstradimi në Suedi, ku pritej të përballej me dyshimet për sulme seksuale dhe dhunime.
Assange i ka mohuar vazhdimisht këto pretendime, derisa hetimet për rastin pushuan një vit më parë. Aktualisht ai përballet me akuza për komplot nga gjykata federale e Shteteve të Bashkuara, për shkak të publikimit të sekreteve qeveritare.
Britania pritet të vendosë nëse do ta ekstradojë atë në SHBA, ndërsa avokati i 47-vjeçarit tha se klienti i tij ishte i detyruar të fshihej në ambasadë sepse kishte frikë nga “rrëmbimi dhe tortura” nëse do të ekstradohej në SHBA./Opinion.al
