Gjurmë dinozauri që datojnë 113 milionë vjet më parë janë zbuluar në Parkun Shtetëror “Dinosaur Valley” në Teksas pas tharjes së një lumi për shkak të thatësirës.
“Shumica e gjurmëve që janë zbuluar kohët e fundit në pjesë të ndryshme të lumit në park i përkasin specieve të dinozaurëve Acrocanthosaurus, rreth 15 metra të gjatë dhe (peshë) afër shtatë tonë,” –tha Zëdhënësja Stephanie Salinas Garcia tha për CNN.
Lloji tjetër që la gjurmë në park në Teksas, ishte Sauroposeidon, i cili ishte rreth 60 metra i gjatë dhe do të peshonte rreth 44 tonë, shtoi Garcia.
Thatësira e tepërt e kësaj vere ka bërë që një lumë në park të thahet plotësisht duke zbuluar gjurmët e fshehura prej kohësh.
Në kushte normale të motit, gjurmët e dinosaurëve janë zakonisht nën ujë dhe të mbushura me sedimente, gjë që i gropos dhe i bën më pak të dukshme.
Më shumë se 60% e Teksasit po karakterizohet nga një thatësirë ekstreme. Shteti gjithashtu kohët e fundit ka regjistruar një valë të nxehti me temperatura trefish më të larta se zakonisht.
Kriza klimatike e shkaktuar nga njeriu, gjithashtu, ka rritur potencialin për lëkundje të shpeshta të kushteve të motit me periudha thatësire dhe reshje të rrëmbyeshme, duke shkaktuar përmbytje si ato që u regjistruam këtë javë në zonën e Dallasit./Opinion.al
