Pas Lushnjes, ku u gjet dhe sekuestrua në banesë 224 kg kanabis sativa në proces tharje, policia raporton një tjetër rast në fshatin Kir,njësia administrative Pult në Shkodër. Bëhet fjalë për sekuestrimin e 50 kg lëndë narkotike dhe 385 bimë kanabis sativa në proçes tharje. Droga u gjet në 5 banesa të ndryshme, por policia nuk arriti të arrestojë asnjë prej pronarëve.
Përmes një njoftimi bëhet e ditur se “operacioni ‘Muzgu’ u zhvillua dje pasdite dhe gjatë kontrollit në banesa u gjet 50 kg lëndë e dyshuar narkotike e paketuar nëpër thasë gati për shitje. Po kështu në fshatin Kir, u gjetën 385 bimë narkotike kanabis sativa të cilat ishin në proçes tharje, dhe u asgjesuan me anë të djegies”.
Policia jep inicialet e personave të shpallur në kërkim, të gjithë banues në fshatin Kir:
-B.M.21 vjeç
-G.M.43 vjeçe
-F.P.42 vjeç
-Gj.P.31 vjeç
-K.Gj.
Të lidhura: http://opinion.al/video-ja-si-thante-lushnjari-drogen-ne-shtepi-iu-gjeten-224-kg/
