Pas zgjedhjes si President i Kosovës, Hashim Thaçi vendos që të sfidojë dhe injorojë të gjitha akuzat nga mediat dhe parlamentari zviceran Dick Marty duke vendosur që nesër të mbajë një fjalim në “Institutin e Hagës për Drejtësi Globale” me temën “Kosova: të punosh për të ardhmen”.
Thaçi do të diskutojë për arritjet e në ndërtimin e paqes dhe stabilitetin në rajon, përfshirë procesin e normalizimin të marrëdhënieve me Serbinë, rolin e Kosovës si partner i bashkësisë ndërkombëtare në promovimin e pajtimit dhe mirëkuptimit ndër etnik dhe për zhvillimet aktuale që kanë të bëjnë me krizën e refugjatëve në Lindjen e Mesme.
Kujtojmë që pak ditë ma parë prestigjozja “Le Figaro” shkruante se “Presidenti Hashim Thaçi, i cili e merr detyrën në 7 prill, është përfshirë në raportin e Këshillit të Europës më 2010, të krijuar nga parlamentari zviceran Dick Marty.
Ai beson se Thaçi udhëhoqi trafikimin e organeve të 500 të burgosurve serbë dhe romë nga shqiptarët.
Sipas dëshmive të mbledhura nga misioni i Dick Marty-t, të burgosurit ishin dërguar në vendin fqinj Shqipëri për tu ekzekutuar, dhe organet e tyre u ishin shitur klinikave të huaja.
Hashim Thaçi mund të akuzohet nga Gjykata Speciale sa i takon abuzimeve të mundshme me të burgosurit serbë dhe romë” shkruante gazeta franceze “Le Figaro”.
Ndërsa kujtojmë që të akuzuarit nga Gjykata Speciale do të gjykohen në Hagë të Holandës.
