Tetori është muaji i ndërgjegjësimit për kancerin e gjirit në të gjithë botën. Synimi është që të rritet ndërgjegjesimi për parandalimin dhe zbulimin e hershëm të kësaj sëmundjeje te gratë dhe vajzat në të gjithë globin.
Por, fundi i tetorit nuk eshte fundi i luftes kunder kancerit prandaj “Vrapo per Jeten”.
Me këtë mesazh, në kuader të aktiviteteve për muajin roze të Tetorit, ditën e hene më datë 30 tetor, ne oren 13: 30 në ambientet e Sherbimit Onkologjik u zhvillua Koncerti i Shpreses 3, i cili beri bashkë: pacientë, mjekë dhe artistë.
Nje inisiativë kjo e shoqates Medico- Onkologjike Shqiptare. Të pranishëm në aktivitet ishin Drejtoresha e QSUT-se Albana Fico, Shefja e Sherbimit Onkologjik Prof.Silvana Celiku, Drejtuesi i Njesisë së Radioterapisë Dr.Orges Spahiu, Drejtues Mjekesor Prof.As.Helidon Nina dhe përfaqësues të Bashkise Tiranë.
Të ftuar ishin aktorja e mirenjohur e Teatrit Kombetar Luli Bitri, psikologia dhe poetja Eneida Mjeshtri dhe violinisti i Teatrit te Operas dhe Baletit, Alban Tahiri.
E ftuar speciale ishte gazetarja e njohur Rezarta Reçi, e cila vazhdon ende betejen e saj kunder kancerit te gjirit.
Qëllimi i aktivitetit ishte dhënia e mesazheve të shpresës dhe kurajes për pacientet e shtruar te Sherbimit Onkologjik të cilët përballen çdo ditë me betejën kundër kancerit të gjirit dhe tumoreve të tjera.
