Tetë policië janë vrarë sot në Egjipt nga sulmues ende të pa identifikuar. Midis të vrarëve është edhe një oficer. Ngjarja ka ndodhur në një qytet rreth 35 kilometra në jug të kryeqytetit të Egjiptit, Kajro.
Ministria e Brendshme e Egjiptit tha sot se katër burra të maskuar dhe armatosur kanë ndalur makinën e policisë dhe kanë vrarë të gjithë ata që ndodheshin brenda, shkruan Rel. Deri tani askush nuk e ka marrë përgjegjësinë për sulmin.
Qindra policë dhe ushtarë janë vrarë gjatë kryengritjes në Egjipt, që nga mesi i vitit 2013, kur Abdel alSissi rrëzoi presidentin e zgjedhur islamik, Mohammad Morsi.
