Dje u hap për herë të parë testamenti i Silvio Berlusconit, ku u zbuluan edhe dëshirat e fundit të tij.
Mediat italiane raportojnë se testamenti ishte bërë që në 2006 dhe ishte shkruar me dorë, më 2 tetor të 2006.
Në këtë testament të shkruan në një letër të verdhë me titullin “Villa San Martino” është dhënë vendimi për Fininvest dhe pasuritë e tjera të Berlusconit.
Njëmbëdhjetë rreshta në një fletë dhe dhjetë në një tjetër tregojnë vullnetin e tij, me një stil të thatë dhe të qartë, asnjë prej fëmijëve të tij nuk do të mbajë kontrollin i vetëm mbi Fininvest SpA, të ushtruar më parë nga vetë Berlusconi.
“Aksionet e disponueshme ua lë në pjesë të barabarta fëmijëve të mi Marina dhe Pier Silvio. Të gjithë pjesën tjetër ua lë në pjesë të barabarta 5 fëmijëve të mi Marina, Pier Silvio, Barbara, Eleonora dhe Luigi”. Në vitin 2020, ai shtoi dispozitat në favor të vëllait të tij.
Siç shpjegojnë burime pranë dosjes, në vitin 2006, kur ishte ende i martuar me Veronica Lario me të cilën kishte Barbaran, Eleonoran dhe Luigin, Berlusconi vendosi të transferonte pjesën e tij të disponueshme të pasurisë fëmijëve të tij të parëlindur, Marina dhe Pier Silvio, për të siguruar ekuilibër. Silvio Berlusconi gjatë viteve ka dhënë kontribute dhe donacione për partinë që ai themeloi, Forza Italia, si dhe subjekte të tjera.
Testamenti holografik i lënë nga Silvio Berlusconi nuk përmban detajet e pasurisë së tij dhe as vlerësimin e të gjitha pasurive të tij që përfshin, përveç Fininvest, shumë ndërtesa dhe vila, nga ajo e Arcore (ku biznesmeni shkroi testamentin e tij të fundit, më një bllok shënimesh me titullin Villa San Martino) në Villa Certosa, për një vlerë që sipas thashethemeve është rreth 4 dhe 5 miliardë.
Për Fininvest kjo do të thotë se Marina shton 8.33% të aksionit të ashtuquajtur “legjitim” në 7,81% të aksioneve të zotëruara tashmë dhe 10,40% të aksioneve të disponueshëm duke arritur në 26,54%. E njëjta përllogaritje vlen edhe për Pier Silvio, i cili rezulton të ketë një pjesë identike të të drejtave të votës në shoqërinë holding (e barabartë me 26.54%). Të dy fëmijët e mëdhenj të Berlusconit, së bashku arrijnë të kontrollojnë 53% të Fininvest.
Vetëm pjesa e tyre “legjitime” shkon për Barbara, Eleonora dhe Luigi, të cilat tashmë ndanin një pjesë 21,87% në mënyrë të barabartë, pra një pjesë totale prej 24,99%, që sjell pjesëmarrjen e tre vëllezërve, fëmijëve të Veronikës, në 47 për qind. Extra Fininvest, e gjithë pjesa tjetër e aseteve ndahet gjithashtu midis fëmijëve sipas të njëjtës skemë: pjesa e ligjshme e ndarë në pesë pjesë të barabarta, 13,32% e të gjitha aktiveve dhe pjesa “në dispozicion” e ndarë në mënyrë të barabartë midis Marina dhe Pier Silvio, 16,65 % për secilin.
