Policia në Tajlandë ka thënë se dy sulme të tjera me bomba janë kryer në dy qyteza turistike, duke vrarë së paku dy persona të tjerë.
Shpërthimet janë raportuar sot në qytetin e njohur për turizëm, Puket si dhe në Trang dhe Surat Thani.
Këto sulme janë kryer një ditë pasi një shpërthim ka goditur qytetin Hua Hin duke vrarë një person dhe lënduar 20 të tjerë, gjysma prej të cilëve janë turistë.
Dy bombat kanë shpërthyer në një resort në Tajlandë duke vrarë një grua dhe plagosur 19 të tjerë, përfshirë edhe turistë të huaj.
Bombat ishin të fshehura në vazo bimësh dhe ishin vendosur 50 metra larg njeri-tjetrit dhe janë aktivizuar përmes telefonit me rreth 30 minuta diferencë nga njëra tjetra.
Nuk është e qartë se kush qëndron prapa këtyre sulmeve, por vëzhguesit e përmendin kohën kur janë kryer sulmet duke sygjeruar se ato janë kryer nga kundërshtarët e pushtetit ushtarak.
Lidershipi ushtarak që e ka marrë kontrollin me forcë e ka organizuar një referendum të suksesshëm fundjavën e kaluar për një kushtetutë të re që kritikët thonë se do të rrisë fuqine e ushtarakëve gjatë viteve të ardhshme.
