Ka shkuar në 34,179 numri i viktimave nga tërmeti që goditi një javë më parë Turqinë dhe Sirinë.
Referuar të dhënave nga Qendra Turke e Koordinimit të Emergjencave SAKOM, numri i viktimave në Turqi ka arritur në 29,605.
Ndërkohë, numri i konfirmuar i vdekjeve në Siri është 4.674. Ky bilanc tragjik përfshin më shumë se 3,160 viktima në zonat e kontrolluara nga opozita të Sirisë Veripërëndimore.
Sipas Agjencisë Shtetërore të Lajmeve SANA, numri i viktimave në pjesët e kontrolluara nga qeveria e Sirisë është 1,414.
Agjencia Shtetërore e Lajmeve Anadolu njoftoi se të paktën 41 persona u shpëtuan nga nën rrënojat në Turqi midis orës së 141 dhe 163 pas goditjes së tërmetit.
