Mëngjesin e së martës Shqipëria u godit nga një tërmeti i fuqishëm prej 6.4 ballë, i cili la pas dhjetëra viktima dhe qindra persona të plagosur. Në lidhje me goditjet e tërmetit në vendin tonë, ka reaguar Qendra Sizmiologjike Europiane Mesdhetare.
Përmes një postimi në “Twitter”, Qendra Sizmiologjike Europiane Mesdhetare shprehet se prej kohës kur prezantuan aplikacionin e tyre mbi tërmetet nuk kishin parë kurrë më parë një numër kaq të lartë tërmetesh të ndjerë në të njëjtin rajon.
Qendra ka e kacilësuar situatën në Shqipëri si tepër të vështirë, ndërsa ka shprehur sdhe solidaritet me familjet e prekuara nga ky tërmet.
“Që prej lançimit të aplikacionit LastQuake në 2014, nuk kemi dëshmuar kurrë një numër kaq të lartë të tërmeteve të ndjera në të njëjtin rajon. Kjo është një kohë shumë shqetësuese dhe e vështirë për personat e prekur nga tërmetet në Shqipëri dhe të gjitha mendimet tona shkojnë për ju. Bëni kujdes”, thuhet në postimin e EMSC.
Sipas sizmiologëve, që prej mëngjesi të së martës, Shqipëria është prekur nga 500 pasgoditje./ Opinion.al
