Presidenti turk Rexhep Tajip Erdogan ka takuar të mbijetuar në Adiyaman, një nga zonat e prekura nga tërmeti ndërsa qeveria e tij po përballet me kritika për ndërhyrje të ngadaltë dhe zbatim të dobët të rregulloreve të ndërtimit.
Këtë mëngjes, një grua që merrte pjesë në një funeral në Adiyaman mallkoi presidentin ndërsa i tha Sky News se dëgjoi të vdiste nipin e saj teksa priste ndihmë.
Një tjetër person tha se lejimi i ndërtimit të ndërtesave jashtë standardeve në zonat e tërmetit ishte i barabartë me “vrasjen”.
Ekspertët kanë thënë se “ndërtimet e dobëta” shkaktuan katastrofën, duke fajësuar qeverinë për moszbatimin e rregulloreve të ndërtimit që sigurojnë që ndërtesat të jenë të qëndrueshme ndaj tërmeteve.
Presidenti tha më parë se nuk kishte asnjë mënyrë për t’u përgatitur për një fatkeqësi të tillë.
Ai iu përgjigj kritikëve, duke thënë se “njerëz të pandershëm” po përhapin “gënjeshtra dhe shpifje” për veprimet e qeverisë.
