Është rritur numri i viktimave nga tërmeti me magnitudë 7.8 që goditi Turqinë dhe Sirinë mëngjesin e së hënës. Sipas të dhënave të fundit, numri i viktimave ka shkuar në 33,179, ndërsa më shumë se 92,600 persona janë plagosur.
Autoritetet shprehen se numri i viktimave do të rritet në orët në vijim, ndërsa ekipet e kërkim-shpëtimit vijojnë punën për gjetjen e personave që kanë mbetur nën rrënoja.
Turqia ka kode ndërtimi që plotësojnë standardet aktuale të inxhinierisë së tërmeteve, por ato zbatohen shumë rrallë, duke shpjeguar pse bilanci i ndërtesave të rrëzuara ishte i madh.
Për këtë, zyrtarët turq shënjestruan më shumë se 130 persona, të cilët dyshohet se janë përfshirë në abuzime me ndërtimet, ndërsa disa prej tyre përfunduan në pranga./ Opinion.al
