Këtë të shtunë Shqipëria u godit nga një tërmeti i fuqishëm me magnitudë 5.8 ballë, i cili la disa persona të lënduar si dhe shkaktoi dëme të shumta materiale.
Lidhur me personat të cilët mbetën të plagosur nga tërmeti, ka folur ministrja e Shëndetësisë, Ogerta Manastirliu.
Ministrja është shprehur se në Tiranë në total kanë marrë mjekim 52 persona të cilët kanë pësuar dëmtime gjatë lëkundjeve të tërmetit.
Sipas saj, përfshirë Tiranën dhe Durrësin në total janë 68 persona të cilët u plagosën për shkak të tërmetit. Manastirliu thekson se deri më tani nuk është paraqitur ndonjë rast të cilit i rrezikohet jeta, pasi dëmtimet janë të lehta.
Ministrja e Shëndetësisë, Ogerta Manastirliu vizitoi nga afër qytetet e plagosura si pasojë e tërmeteve që prekën vendin tonë. Ajo tha para mediave se nuk ka persona në gjendje të rëndë.
“Pashë nga afër gjendje e të lënduar., Aktualisht janë duke marrë shërbimin 21 qytetarë. Janë 52 qytetarë që kanë marrë shërbimin dhe janë larguar. Të gjithë qytetarët po marrin shërbimin e nevojshëm. Situata e tyre është e qetë dhe po bëjnë të gjitha trajtimet. Në përgjithësi situata është e qetë dhe spitalet janë përforcuar me mjekë dhe infermierë për të përballuar situatën e shtuar. Janë 68 qytetarë që po marrin shërbimet në Tiranë dhe Durrës dhe shëndetësia është në gatishmëri me të gjitha strukturat. Kanë qenë 18 qytetarët edhe në spitalin e Durrësit dhe unë do të shkojë për të parë nga afër edhe të lënduarit në spitalin e Durrësit”-tha ministrja./ Opinion.al E.Xh.
