Mbrëmjen e 20 shkurtit dy lëkundje tërmeti të fuqishme goditën Turqinë në kufirin me Sirinë.
Lëkundjet e tërmetit kishin magnitudë prej 6.4 dhe 5.8 shkallë Rihterit. Si pasojë e tërmetit të mbrëmjes së djeshme, janë regjistruar 8 viktima, ndërsa më shumë se 680 njerëz janë plagosur në Turqi dhe Siri.
Viktimat nga tërmeti i së hënës janë gjetur në qytetet Antakia, Defne edhe Samandagi, ka thënë ministri i Brendshëm turk Suleyman Soylu, duke u bërë thirrje njerëzve që të mos qëndrojnë në ndërtesat potencialisht të rrezikshme.
Ndërkohë, ekipet e shpëtimit po kërkojnë për njerëzit e bllokuar nën rrënoja në Turqi pasi dy tërmeteve të reja.
Thellësia e këtij tërmeti ka qenë vetëm dy kilometra, sipas Qendrës Evropiane Sizmologjike.
Agjencia turke e fatkeqësive dhe emergjencave thotë se tërmeti me magnitudë 6.4 ndodhi në orën 20:04 me orën lokale 17:04 GMT, i ndjekur nga tërmeti 5.8 tri minuta më vonë.
Ky tërmet vjen dy javë pas dy tërmeteve me magnitudë mbi 7 të shkallës Rihter që kanë lënë të vdekur mbi 46 mijë njerëz në Turqi dhe Siri.
