Presidenti turk Recep Tayyip Erdoğan ka përcjellë informacionet e fundit për tërmetin dhe është shprehur se deri më tani kanë humbur jetën 3549 qytetarë turq.
Ndër të tjera ai ka bërë me dije se 10 provincat në zonën e tërmetit janë shpallur zona fatkeqësish natyrore dhe në këto krahina do të zbatohet gjendja e jashtëzakonshme për 3 muaj.
“Aktualisht, 53,317 oficerët tanë të kërkim-shpëtimit dhe personeli mbështetës po punojnë në zonën e rrënojave, dhe ky numër po rritet çdo orë që kalon me ekipe shtesë që vijnë nga jashtë. Gjithashtu po zbatojmë hap pas hapi masat për plotësimin e të gjitha nevojave të viktimave të fatkeqësisë që i kanë shpëtuar tërmetit. 54 mijë tenda, 102 mijë shtretër dhe materiale të tjera u dërguan në rajonet e prekura”-tha Erdogan./Opinion.al
