Përmes një njoftimi në Facebook, Kryeministri Edi Rama ka bërë të ditur se deri tani janë 28 të shpëtuar që kishin mbetur në rrënoja prej tërmetit të rënë në orët e para të mëngjesit të sotëm.
Gjithashtu ai theksoi se së shpejti do të mbërrinin në ndihmë skuadrat speciale të vendeve fqinje për të prekurit nga tërmeti në Thumanë dhe Durrës.
“Sapo ka mbërritur në 28 numri i të shpëtuarve.
Do të vijojnë kërkimet që do të kryhen me durim e imtësi deri në fund, ndërkohë që pas pak orësh do fillojnë të na bashkohen njëra pas tjetrës skuadrat speciale nga Kosova, Italia, Greqia, Franca, Turqia, Serbia, Mali i Zi
Por lehtësimi për çdo jetë të shpëtuar nuk bën më të vogël dhimbjen për jetët e humbura dhe keqardhjen e jashtëzakonshme për familjet që lotojnë të humburit.
Edhe pse fjalët i merr era në këto momente kaq tragjike, u përcjell ngushëllimet e përqafimet më vëllazërore familjeve që tani qajnë njerëzit e tyre“. Sipas njoftimeve zyrtare deri tani numri i viktimave nga tërmeti 6.4 ballë ka arritur në 10./Opinion.al/
