Qytetarë, organizata dhe shtete të ndryshme janë solidarizuar me qytetarët shqiptarë që u prekën nga tërmeti 6.4 ballë. Tërmeti la pas dhjetëra viktima, qindra të plagosur dhe dëme të konsiderueshme materiale në zona të ndryshme të Durrësit.
Mësohet se presidenti i klubit basketbollit Mornar nga Tivari i Malit të Zi, Djordje Paviçeviç, ka dhuruar 2 milionë euro për qytetarët e prekur nga tërmeti në Shqipëri.
Lajmi është publikuar edhe në faqen e Instagramit “Basketboll pa Kufij”.Paviçeviç njihet si filantrop i madh dhe humanist. Muajin e kaluar ai ka ndërtuar një terren sportiv për fëmijë në qytetin e Tivarit në Mal të Zi./ Opinion.al
