Kryeministri grek Kyriakos Mitsotakis ka mbërritur në Santorini mëngjesin e ditës së sotme, i shoqëruar nga Ministri i Krizave Klimatike dhe Mbrojtjes Civile, Vassilis Kikilias, për t’u informuar nga autoritetet për aktivitetin intensiv sizmik në Santorini.
Në një prononcim të shkurtër, së bashku me kryetarin e Bashkisë Thira, Mitsotakis theksoi se:
“Jemi këtu për të mbikëqyrur mbrojtjen e mekanizmit shtetëror për përballimin e këtij fenomeni gjeologjik aktiv që është në zhvillim e sipër”.
Sipas tij duhet të dëgjojnë me kujdes udhëzimet e ekspertëve të cilët nga ana e tyre këshillojnë mbrojtjen civile.
“Më lejoni të siguroj edhe një herë banorët e Santorinit dhe ishujve fqinjë se mbrojtja shtetërore është në anën e tyre”.
Teksa i ka kërkuar banorëve të ruajnë qetësinë, Mitsotakis thotë se është shumë më mirë të përgatiten dhe të parandalohen ngjarjet, se sa të nxitojnë për t’u marrë me to më pas.
