Presidenti Ilir Meta ka reaguar përsëri pas tërmeteve që kanë goditur ditët e fundit vendin tonë.
Në reagimin e tij, Meta shprehet se duhet transparencë dhe përgjegjshmëri maksimale për evidentimin e pasojave të shkaktuar nga lëkundjet e tërmetit.
Po ashtu ai thekson se duhet të vlerësohen banesat, pallatet dhe godinat të dëmtuara në mënyrë që të ndihmohen nga instancat përgjegjëse të shtetit.
Meta i kërkon qeverisë të ftojë zyrtarisht edhe Agjencinë Ndërkombëtare të Energjisë Atomike, që ka kapacitetet e duhura për të përcaktuar sigurinë dhe rezistencën e banesave, pallateve dhe godinave të dëmtuara nga kjo fatkeqësi natyrore.
Po ashtu, Presidenti thekson se keqpërdorimi nga kushdo i kësaj situate, nuk është rruga e duhur për të përballuar një shqetësim të përgjithshëm, në mënyrë të bashkuar dhe të përgjegjshme, vetëm në interes të qytetarëve të traumatizuar nga tronditjet dhe pasojat në banesat e pronat e tyre./ Opinion.al E.Xh.
