Lëkundje tërmeti janë ndjerë në edhe Tiranë rreth orës 13:28. Sipas të dhënave të IGJEUM, tërmeti ka qenë relativisht i lehtë me magnitudë 3.2 ballë. Tërmeti ka rënë në një thellësi prej 30 kilometra nën tokë. Epiqendra ka qenë 50 kilometra larg Tiranës. Nga lëkundjet sizmike nuk ka raportime për dëme materiale.
Ndërkohë mbi 10 lëkundje sizmike janë regjistruar që nga mbrëmja e së premtes deri në orët e para të mëngjesit të së shtunës në rajonin e Korçës.
Epiqendrat e lëkundjeve sizmike kanë qenë rreth 16 km në juglindje të qytetit. Fatmirësisht lëkundjet kanë qenë me magnitudë nga 2.2 deri 3.7 të shkallës Rihter dhe nuk janë shënuar dëme.
Disa kohë më parë rajoni i Korçës u trondit nga disa tërmete të fortë të cilat shkaktuan dëme në dhjetëra shtëpi dhe 4 të lënduar. Fshati më i prekur nga tërmeti ishte Floqi ku u dëmtuan mbi 100 shtëpi./ Opinion.al
