Kryetari i Bashkisë së Tepelenës Tërmet Peçi, është padyshim një nga admiruesit më të mëdhenj të kryeministrit Rama. Këtë e vërtetoi edhe njëherë ditën e sotme, teksa Rama ishte i pranishëm në Tepelenë. Prezantimin e fjalimit të Ramës e bëri pikërisht kryebashkiaku besnik Tërmeti, i cili me fjalë që të kujtojnë lavdet e thurura për Enverin, i është drejtuar kryeministrit aktual.
Teksa i drejtohej me fjalën ‘shoku’ dhe ‘komandant’, Peçi përmendi disa nga projektet që ka konkretizuar qeveria në Tepelenë, ndërsa e falënderoi Ramën publikisht.
“Të na rroj sa malet, ky burri këtu. Ky po i bën të gjitha. Po ka burrë nëne që ka vënë dorë je vetëm tij. Ti shprehim falënderimet e përzemërta me një duartrokitje shokut Edi Rama”, tha Peçi.
Kujtojmë se kjo nuk është hera e parë që Peçi e trajton kryeministrin me kaq shumë admirim. Vitin e kaluar, në nder të Ramës, një palestër shkolle në Tepelenë në mure mban të gdhendur portretin kokë e këmbë të kryeministrit teksa luan basketboll./Opinion.al
