Një tërmet me magnitudë 5.8 ballë goditi pjesë të mëdha të Francës perëndimore të premten në mbrëmje, ndërsa autoritetet sizmiologjike në vend e quajtën atë tërmet shumë të fortë, i cili regjistroi, dëme në ndërtesa.
Në departamentin Deux-Sevres, një person u plagos lehtë dhe u trajtua në vendngjarje, tha prefektura.
“Një seri dëmesh materiale u raportuan nga jugperëndimi i departamentit,” me gurë të rënë nga ndërtesat dhe çarje në mure, thuhet në deklaratën e prefekturës.
Më në jug në Charente-Maritime u shfaqën çarje në ndërtesa dhe një linjë elektrike u rrëzua duke lënë 1100 shtëpi në errësirë.
Tërmeti u ndje deri në Rennes në veri dhe Bordeaux në jugperëndim.
Në qytetin Tours, në lumin Loire, studentja e drejtësisë Lea Franke tha se po lexonte në shtratin e saj kur ndjeu dridhjet.
“Unë u ngrita në këmbë dhe i gjithë apartamenti po dridhej … zgjati për disa sekonda dhe më pas u ndal,” tha ajo për AFP.
“Isha shumë i frikësuar, jetoj në katin e tretë… Mendova se dyshemeja do të binte”.
Tërmetet me magnitudë mbi pesë ballë janë të rrallë në Francë, i fundit i regjistruar është në Drome në vitin 2019./Opinion.al
