Kandidati për Bashkinë Mirditës Gjon Ndoj është tërhequr nga gara pas situatës politike të krijuar ditët e fundit.
Ndoj kandidonte si i pavarur, por pas anulimit të datës së zgjedhjeve nga Presidenti ai thotë se e ka ndërprerë fushatën dhe se nuk është më kandidat në zgjedhje.
Ai bën gjithashtu apel qytetarëve të mos shkojnë të votojnë në zgjedhje dhe se vendi ka nevojë për bashkim për hir të demokracisë
“Kur kandidova situata ishte e qetë, por sot ju e shikoni si është. Me anulimin e zgjedhjeve nga Presidenti ndërpreva fushatën. Prandaj deklaroj se në 30 qershor nuk do të jem kandidat. Atyre që duan që unë të jem kryetar, u kërkoj që të mos shkojnë në zgjedhje. Demokratë dhe socialistë të bashkohemi të shpëtojmë demokracinë” deklaroi Ndoj. /Opinion.al
