Duke filluar nga dita e sotme dhe deri në mesin e muajit prill, planeti i komunikimit, Mërkuri, do të tërhiqet përkohësisht nga zodiaku. Mirëpo kjo zmbrapsje e tij parashikon një periudhë aspak të qetë për të gjitha shenjat duke sjellë paqartësi në komunikim, frikë, trishtim, mungesë dëshire për t’u dëfryer etj. Ja si do të ndikojë Mërkuri në 6 shenjat e para:
Dashi:
Tashmë e dini që Dashi është një ndër shenjat më të drejtpërdrejta të horoskopit, mirëpo ndonjëherë i duhet të tregohet më diplomat, diplomate dhe ky është pikërisht momenti i duhur për ta bërë këtë gjë. Duhet të tregoheni më të rezervuar këto kohë, me siguri do t’i evitoni vetes shumë keqkuptime.
Demi:
Ka ardhur koha të mos mendoni më për të shkuarën, për mundësitë e çuara dëm apo projektet që ju mbetën në sirtar. Mërkuri do të ndriçojë rrugën tuaj dhe shumë shpejt do të angazhoheni në diçka akoma më të bukur.
Binjakët:
Është e vështirë të imagjinoni Binjakët pa botën e tyre të dyshimeve, dyjëzimeve dhe pavendosmërisë, mirëpo kjo situatë nuk mund të zgjasë gjatë. Duhet të vendosni një herë e mirë se çfarë doni për veten, të përcaktoni planet e të tashmes pa u shqetësuar se ç’mund të sjellë e nesërmja.
Gaforrja:
Gaforres nuk i pëlqen të ketë çështje të hapura me askënd dhe dëshiron t’u shkojë gjërave deri në fund. Do t’i riktheheni një situatë të së shkuarës që vazhdon ‘’t’ju torturojë’’ prej kohësh. E dimë që bëhet fjalë për çështje principesh, por ndonjëherë duhet t’i lini disa gjëra ashtu siç janë.
Luani:
Kohët e fundit gjërat nuk po shkojë ashtu si do të donit. Ndiheni të pafuqishëm për të ecur me ritmin e të tashmes, shihni kudo pengesa, por kjo situatë është momentale. Merrni pak kohë për veten, bëni një udhëtim ose thjesht qetësohuni për pak kohë. Të qëndruarit vetëm do t’ju bëjë mirë.
Virgjëresha:
Mërkuri do t’ju bëjë të ndiheni e pasigurtë me veten dhe në marrëdhënien në çift . Ndieni se nuk po jepni më të mirën tuaj në punë dhe se keni humbur pak terren nga të qenit perfeksionist, perfeksioniste. Qetësohuni, çdo gjë është mirë, mos shpikni gjëra të pavërteta që ekzisojnë vetëm në mendjen tuaj.
