Teresa May ka vizituar kullën 24-katëshe e cila u përfshi nga flakët mesnatën e së martës. Mes frikës se numri i të vdekurve mund të kalojë numrin 100, May mbajti një fjalim, teksa vështronte me vëmendje rrënojat e mbetura. Ajo ndodhej nën presionin e pyetjeve të shumta të njerëzve të cilët kërkonin llogari se si mund të lejohej një tragjedi e tillë. Një seri faktorësh janë fajësuar për këtë tragjedi, që prej veshjes së jashtme të ndërtesës instaluar një vit më parë, dhe deri te mosfunksionimi i alarmeve të zjarrit.
May dha premtimin se do të investigonte me detaje për të gjetur shkaqet që shkaktuan flakët fatale. Ajo ndaloi te personat që kishin mbetur të pastrehë, dhe në këtë mënyrë u zotua se do të ishte suport për ta. May theksoi gjithashtu se kjo tragjedi do t’i jepte asaj mësimet e duhura dhe u betua për këtë gjë. Numri i viktimave deri më tani është konfirmuar të jetë 17 persona, ndërsa frika për një numër shumë më të madh të viktimave është prezente kudo. /Opinion.al
