Basketbollisti i Golden State, Stephen Curry, nuk e ka luajtur deri në sekondën e fundit ndeshjen e gjashtë finale të NBA-së ndaj Cleveland, humbur 115-101. Në periodën e 4-t, kur duhej edhe 4’24” nga fundi i ndeshjes, ylli i Warriors ishte protagonist i një faulli ndaj LeBron James, faull të cilin Curry nuk e pranoi. Dhe, nga nervat e momentit, ai heq mbrojtësen e dhëmbëve dhe e hedh te tifozët e radhës së parë, duke goditur njërin prej tyre, djalin e një prej pronarëve të Cavaliers, por pa pasoja.
Ai kundërshtoi edhe ndaj gjyqtarit për vendimin, duke protestuar ashpër dhe me gjeste. Për këtë arsye, ai del nga fusha me teknike përjashtimi. Më pas, Curry ka kërkuar falje karshi tifozit që goditi dhe për këto veprime, ai nuk do të mungojë në finale e shtatë, por thjesht do të gjobitet nga NBA. Finalja e 7-të, që do të përcaktojë ekipin kampion, do të zhvillohet më 20 qershor, në fushën e Golden State. Pas 6 ndeshjeve të para, barazim 3-3 me ndeshjes mes dy ekipeve finaliste.
