Një shqiptar kishte rrahur ish të fejuarën në mes të muajit janar, pasi e kishte parë në shoqërinë e miqve të saj në një lokal në Milano, por arrestimi i tij u bë i mundur nga policia italiane vetëm dy ditë më parë.
Tërbimi i shqiptarit nisi pasi e la e fejuara.
Ai nuk kurseu as miqtë e ish të fejuarës, të cilët u rrahën nga shtetasi Aldo P. 30 vjeç, i cili me të mbërritur policia ia mbathi për të humbur gjurmët.
Por falë denoncimit të ish të fejuarës, edhe ajo shqiptare, e moshës 20 vjeç, agjentët mundën të identifikonin dhunuesin dhe më pas ta arrestonin.
Sipas hetimeve Aldo P. dhe ish e fejuara e tij, ishin lidhur bashkë në vitin 2013, por Aldo kishte nisur menjëherë të shfaqte shenja dhune.
20 vjeçarja kishte vendosur ta linte dhe duke përfituar nga një udhëtim i Aldo P. në Shqipëri, kishte mundur të largohej nga shtëpia ku jetonin dhe kishte ndërruar edhe numër telefoni.
Fati i keq i vajzës, të dy më pas u kryqëzuan rastësisht në një lokal, aty ku më pas kishte shpërthyer edhe inati i Aldo P.
Fillimisht kishte rrahur 20 vjeçaren duke e kërcënuar me vdekje, më pas kishte marrë përpara me shkelma dhe grushta një mik të sajin, duke e plagosur me thikë dhe duke e bërë të humbasë edhe një dhëmb./ Opinion.al
