Një aksident ka ndodhur ditën e sotme në aksin rrugor “Krahës-Malas”, pasi shoferi ka humbur kontrollin mbi drejtimin e mjetit.
Uniformat blu bëjnë me dije se si pasojë e aksidentit janë dëmtuar shtetasi E. M. dhe 2 pasagjere në automjetin që drejtonte ky i fundit.
”Rreth orës 15:05, në aksin rrugor “Krahës-Malas”, shtetasi E. M., 41 vjeç, banues në Memaliaj, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë janë dëmtuar shtetasi E. M. dhe 2 pasagjere në automjetin që drejtonte ai. Të tre këta shtetas janë dërguar në spital, ku janë jashtë rrezikut për jetën”, njofton policia.
Grupi hetimor po punon për sqarimin e rrethanave të aksidentit./Opinion.al
