Europol ka ndaluar një përpjekje për të mashtruar autoritetet gjermane shëndetësore duke i shitur atyre maska mbrojtëse jo-ekzistuese gjatë pandemisë së koronavirusit.
Aksioni policor në dy vende erdhi ndërsa Gjermania është drejt heqjes progresive të kufizimeve ndaj COVID-19 i cili ka marrë rreth 3,000 jetë në vend. Sidoqoftë, ekspertët thonë se çdo lehtësim do të shoqërohej me një detyrim për të veshur një maskë për fytyrën gjatë përdorimit të transportit publik, për të parandaluar ringjalljen e infeksioneve.
Europol tha se dy kompani ishin kontraktuar nga qeveria gjermane në mes të marsit për të blerë maska për fytyrën me vlerë 15 milion euro pasi rezervat globale ishin të ulta. Pasi një shitje nuk arriti të materializohej përmes një kompanie që supozohej me qendër në Spanjë, të dy kompanitë iu referuan një tregtari ‘të besueshëm’ në Irlandë.
“Ndërmjetësi irlandez premtoi se do t’i vinte në kontakt me një furnizues tjetër, këtë herë në Hollandë,” i cili mund të furnizonte maska, tha Europol.
U bë një marrëveshje fillestare në të cilën kompanitë kanë paguar 1.5 milion euro për shpërndarjen e 1.5 milion maskave.
“Blerësit iniciuan një transferim bankar në Irlandë dhe u përgatitën për dorezim, i cili përfshinte 52 kamionë të shoqëruar nga policia për të transportuar maska nga një depo në Hollandë në destinacionin përfundimtar në Gjermani”, tha Europol.
Sidoqoftë, pak para dorëzimit, mashtruesit thanë se u duheshin 800,000 euro të tjera “në mënyrë që të siguronin mallrat”.
Blerësit bën transfferimin e parave por maskat kurrë nuk arritën.
“Rezulton se kompania holandeze kishte ekzistuar, por faqja e internetit e tyre ishte klonuar. Nuk kishte asnjë regjistrim zyrtar të urdhrit,” tha Europol.
Policia dhe agjensitë e zbatimit të ligjit, përfshirë Europol dhe Interpol shpejt u përpoqën për të rikuperuar paratë. Byroja e Krimeve Ekonomike të policisë irlandeze ngriu 1.5 milion euro në një llogari në një bankë irlandeze dhe identifikoi një kompani irlandeze të përfshirë. Shërbimi i Informacionit dhe Hetimit Fiskal Hollandez (FIOD) gjeti 800,000 euro – nga të cilat 500,000 ishin paguar tashmë në një llogari bankare britanike, e destinuar për një llogari në Nigeri. Falë një alarmi të ngritur nga hetuesit, banka britanike ishte në gjendje të rekuperonte shumën e plotë. Këto fonde tani janë kthyer në Hollandë dhe janë ngrirë nga autoritetet.
Policia Hollandeze arrestoi dy të dyshuar në hetimin në vazhdim, tha Europol. /Opinion.al
